Uşaq Urologiyasi üzrə kurs keçirilib
08.10.2018
Avropa Uşaq Urologiyasi Cəmiyyəti (ESPU) hər il Uşaq Urologiyasi üzrə kurs təşkil edir. 2018-ci ilin kursu bu dəfə HB Güvən klinikasının da təşkilatçılığı ilə Bakıda Hyatt Regency otelində keçirilib.
Qeyd edək ki, tədbirdə Azərbaycan Tibb Universitetinin Tədris Cərrahiyyə Klinikasının baş həkimi dosent Ramiz Poluxov moderatov qismində çıxış edib. R.Poluxov bu tip kursların uroloq, uşaq cərrahları və pediatrlar, eləcə də bu ixtisaslar üzrə təhsil alan həkim-rezidentlər üçün çox əhəmiyyətli olduğunu bildirib.
Təlim zamanı uşaq urologiyası xəstəliklərinin elmi əsaslarına həsr olunmuş mühazirə və video mühazirələr oxundu, əməliyyatlar nümayiş olundu. Təlimdə ölkəmizin qabaqcıl mütəxəssisləri moderatorluğu altında Avropanın müxtəlif mərkəzlarindən dəvət olunmuş uşaq uroloqları mühazirə etdi.
Uşaqlarda sidik cinsiyyət sistemi üzvlərinin anadangəlmə qüsurlarına müasir yanaşmalar, uşaqlarda böyrək və sidik axarı daşlarına müalicə metodikaları, uşaqlarda sidik yolları infeksiyaları və səbəb olan xəstəliklər, sidik axarı reflüksu, arxa uretral klapan, sidik axarı genişləməsi və səbələri uşaqlarda görülən böyrək törəmələri müzakirə olundu.#atutck
