Xəbərlər

Azərbaycanda ilk dəfə olaraq qaraciyər xəstəsinə " Kök hüceyrə transplantasiyası " əməliyyatı ATU-nun Tədris Cərrahiyyə Klinikasında həyata keçirildi.

03.07.2015

Azərbaycan Tibb Universitetinin Tədris Cərrahiyyə Klinikasının I Cərrahi Xəstəliklər kafedrasının müdiri, Azərbaycan Milli Elimlər Akademiyasının müxbir üzvi, professor  Nuru Bayramovun rəhbərliyi altında böyük bir ekiblə ilk dəfə olaraq  qaraciyər xəstəsinə "Kök hüceyrə transplantasiyası" əməliyyatı həyata keçirildi. Xəstənin sümük iliyindən əldə edilən mezenximal kök hüceyrələrini  intraarterial yolla qaraciyərə trans etdilər.

Ekibdə Transplantologiya şöbəsinin müdiri t.ü.f.d. Dr. Ruslan Məmmədov,  Şüa-diaqnostika şöbəsinin müdiri Dr. Rasim Bayramov, İnvaziv kardiologiya şöbəsinin müdiri, t.ü.f.d. Dr.Qalib İmanov, Hematoloq Dr. Naidə Ağayeva, Molekulyar bioloq və genetik Dr. Fərid İsmayıllı, Həkim-Anesteziolog Dr. Məmməd Şirinov, Rezident Mehriban Hüseynova iştirak edirdi.

Başda Prof. Nuru Bayramov olmaqla bütün ekibə dərin təşəkkürümüzü bildiririk və işlərində davamlı uğurlar və yüksəlişlər diləyirik. Xəstəmizə isə Allahdan tezliklə şəfalar diləyirik.